Indi magnaba sa 59 katawo ro namatay matapos ro pagtama it sangka wooden boat sa sangka mabahoe nga bato sa baybayon it Calabria sa Italy.
Suno sa mga otoridad, nawasak ro nasambit nga bangka kat tumama sa mabahoe nga bato bangud sa maeain nga panahon.
Mga migranteng maghalin sa Turkey paagto it Europe ro sakay kara ag kaeabanan sa mga namatay hay ro mga pamatan-on, kababayinhan ag eapsag.
Ginasugid nga ro nasambit nga bangka hay may unang sakay nga 140 hasta 150 nga mga indibidwal kat naghalin sa Turkish City it Izmir tatlo ukon ap-at nga adlaw eon ro nakataliwan.
Sa pihak nga parte, nailista man it Italian provincial government nga himala man nga nakaeowas sa nasambit nga trahedya ro 81 katawo ag 20 sa mga raya hay nagapamayad eon sa ospital.
