Kalibo Aklan ——-An-om katawo euman ro nadakpan kahapon nga illegal nga nagapatigayon it pagbueo-bueo sa sangka barangay sa banwa it Numancia.
Suno kay Plt. Col Bernard Ufano it Aklan Police Provincial Office nga ro mga nasambitan nga persona hay ginapasakaan eun it kasong pag-eabag sa Presidential Dercee (PD) 449 ukon “Cockfighting Law”.
Ro lima sa mga raya hay nakabayad it piyansa nga kapin sa 20,000 pesos samtang ro sambilog hay napaseawan nga makabayad bangud nakueangan it kwarta.
May kaangtanan kara, uman nga nagpadumdom si Plt. Col Ufano sa publiko nga likawan ro pag-imbolbar sa ano man nga klase it illegal nga aktibidad.
Aminado man sanda nga malisod nga maaresto ro nagahimo kara mas kapin ro mga “Boeo-bueo panatics” nga nagapanago sa mga maeayong lugar ag nagakasugot eamang pamaagi sa facebook messenger.
May mga una man nga sa gabi-e naga-atake agud nga indi madakpan it mga otoridad.
Samtang, ginklaro man kara nga posibleng makapangatubang it penalidad ukon kasong administribo ro mga Barangay officials kung mapamatud-an nga may kapabayaan raya sa nagakatabong mass gathering kasunod it ginapatigayon nga pagbueo-bueo sa andang lugar.
