KALIBO, AKLAN — Kumpirmadong pitong katawo ro namatay nga kaeakip sa mga pasahero it eumugdang nga pampasaherong pumpboat maeapit sa kaeawuran it Barangay Agbudia, Romblon, Romblon bandang alas-11:00 ro pang orason kahapon it agahon.
Ro eumugdang nga pumpboat hay MB Alad Express II nga may sakay sa masobra sa singkwenta nga pasahero ag limang tripulante.
Kaeakip sa mga namatay nga pasahero hay sanday Dr. Laudemir M. Famarin, Josephine Mutia, Evangeline Chedera, Johnmark Mingo, Anacel Macalipay, Melly Mendezabal, Cristelle Jane Hawod ag gina usoy pa ro tatlong ka mga unga nga missing sa makaron.
Suno sa coast guard, 45 nga pasahero eon ro natigayun nga ma-rescue ag gin daea sa Romblon District Hospital agud ma-check up ag mataw-an it first aid sa mga naangkon nga nina.
Ro MB Alad Express II hay naghalin sa banwa it Magdiwang ag paagto konta sa Romblon, Romblon apang, inabutan it maeain nga tiempo kaekaip eon ro mabaskog nga hangin, uean ag mga mabahoe nga baeod.
Sa makaron hay naga padayun ro search and rescue operations it Philippine Coast Guard Caticlan sa iba pang naga pabilin nga missing.
