KALIBO, Aklan – – – Bukas nga gin baton it Boracay Foundation Incorporated (BFI) ro hangkat ni Pangueong Rodrigo Duterte nga mataw-an it solusyon ro environmental problems sa isla it Boracay sa sueod it an-um nga buean.
Nakabaehag sa official statement it BFI nga mabuhay eon sigon nga apela it business sector nga mataw-an ro isla it naga kaigong atensiyon.
Gin pamilit pa it BFI nga mabuhay eon sandang dismayado bangud sa medyu pagbalewala it National Government ag iba pang ahensiya it gobyerno.
Naga eaum man ro BFI nga matapos mataw-an it igtaeupangud it Malacanang ro isyu, magiging daean raya agud maghueag eon ro natungdan nga ahensiya it gobyerno sa pagbulig sa pagtao it solusyon sa problema.
Samtang, aminado ro BFI nga naalarma sanda sa naging statement ni Pangulong Duterte nga iga sarado ro isla.
Posibli sigon nga saeang impormasyon ro gin paabot sa pangueo.
Sa pihak sigon it ibang naga eabag sa kasuguan sa isla, hugot sigon sa BFI nga nagasunod ro mga establishments sa gina patuman nga ordinansa agregulasyon.
Nag apela man ro BFI sa mga miembro kara nga sundon ro polisiya sa gina patuman partikular eon sa environmental laws it isla.
