KALIBO, Aklan – – – Kueang ro an-um nga buean nga ultimatum nga gintaeana ni Pangueong Rodrigo Duterte agud eubusang masolusyunan ro environmental issues sa isla it Boracay.
Suno kay Aklan Vice Governor Reynaldo Quimpo, kun paga basehan ro nasambitang “time frame” hay para eamang raya sa pagpatigayun it inspection.
Gin suhestiyon man it bise gobernador nga dapat hay maumpisahan eon it natungdan nga ahensiya it gobyerno ro mga paga himuon nga tikang nga makabulig sa pag-preserba ag rehabilitasyon it isla.
Nagapati man si Quimpo nga konta it magiging problema kun sumunod eamang sa gina patuman nga ordinansa ag environmental laws ro mga mabahoe nga negosyante sa isla.
Nagpanawagan man raya it aksiyon eon ro kinahangean sa makaron ag untatan eon ro puros hambae eamang ag mga plano.
Gin pasiguro man ni Quimpo ro “full support” sa mabilog nga programa it gin manduan nga ahensiya it gobyerno nga magatao it solusyon sa sewerage system ag pagiging over crowded it Boracay.
