6 patay sa magkasunod nga pagsabog sa mga eskwelahan sa Kabul

Patay ro an-om nga katawo samtang ninahan ro 11 nga iba pa sa natabo nga pagsabog sa sangka high school ag educational center sa Western Kabul, Afghanistan.

Ginpahayag ni Kabul police chief spokesman Khalid Zadran nga tinamaan it tatlong pagsabog ro Abdul Rahim Shaheed High School.

Tinamaan man it pagsabog ro pasilidad it Mumtaz Educational Centre.

Ginasugid nga target it nasambit nga pagsabog ro minority group nga Shia Hazara community.

Hugut man nga ginkondena it United Nations Assistance Mission in Afghanistan (UNAMA) ro nasambit nga insidente.