Sangka 60-anyos nga eaeaki halin sa Florida ro nakaangkon it Guinness World Record matapos nga makompleto kara ro 3,264 pushups sa sueod it sang oras.
Suno kay Rob Stirling nga nagdesisyon imaw nga ipursige ro anang Guinness World Record attempt para sa may pinakamaabu nga pushups sa sueod it sang oras para sa eaeaki matapos masayuran nga ro Australian nga si Daniel Scali hay nakahimo eamang it 3,182 nga pushups ko April 2022.
Ginpahayag ni Stirling na-break eon nana ro record apang bukon pa it opisyal sa ginpatigayon nga conference sa Miami rason nga gindesisyunan nga obrahon ro anang official attempt, kun sa siin nagtaeana it personal goal nga 3,200.
Apang naeampasan pa it atleta ro anang target nga nag abot sa 3,264 pushups sa gintaeana nga tiempo.
Suno kana nga ro anang video halin sa anang successful attempt hay ginsumite eon sa Guinness World Records para sa official verification.
Puntirya ni Stirling nga maangkon ro anang ikaywang Guinness World Record title.
