KALIBO, Aklan — Ginreklamo sa taeatapan it pulisya it sangka 62-anyos nga lola ro anang 53-anyos nga gumankon nga ginaalegar nga naghimueos kana sa Madalag, Aklan.
Apang sa interview it Bombo Radyo, gin-insister it suspek nga si Jerry Nanit, uwa it asawa ag residente man it nasambitang lugar nga pareho nandang ginusto ro natabo.
Suno kana, ginsueang nana ro anang tiya sa inuman sa sangka kasadyahan ag samtang una sa daean pauli sa anang baeay hay ginhinyo sigon it magueang nga ihatod raya sa anang payag agud nga makapahuway bangud sa kahilungon.
Kat makaabot sa lugar hay nagsuka sigon ro biktima rason nga ginpunasan ag gin-alagaan anay nana raya hasta sa may natabo kandang daywa.
Sa makaron hay nakakulong sa taeatapan it pulisya sa Madalag si Nanit.
