-- ADVERTISEMENT --
Bumunae eon sa 62 ro numero it mga namatay bangud sa owa it pundo nga pagbuhos it mabaskog nga uean rason para makaangkon it maeapnagon nga pagbaha sa India.
Suno sa Disaster Management it India, naga-abot sa 2 million katawo ro apektado matapos sudlon it baha ro andang mga panimaeay.
Mag-euwas kara, nakaangkon man it landslide ag pagragasa it mga eutay ag bato rason para matabunan ag anuron ro mga biktima.
Sa makaron, kapin sa 32 halin sa 35 distrito sa nasambit nga nasyon ro nagapabilin gihapon nga eubong sa baha samtang 3 million katawo man ro nagbakwit sa bulig it mga otoridad.
