KALIBO, Aklan—Nagapadayun makarun ro ginahimo nga search and rescue operation it mga katapo it Municipal Disaster Risk Reduction Management Office ukon MDRRMO-Numancia, MDRRMO-Kalibo, Bureau of Fire Protection, Philippine Coast Guard ag Provincial Disaster Risk Reduction Management Council matapos nga maeumos ro sangka 64 anyos nga lolo sa Aklan river maeapit sa Kalibo-Numancia bridge.
Suno kay Teresita Arevalo, live-in partner it biktima nga si Arlindo Tamayo, 64 anyos ag parehong residente it banwa it Lezo nga kaina it agahon hay ginsampit sigon imaw it anang partner nga magpamoeot it kahoy nga panggatong.
Medyo nakabatyag pa sigon kungta imaw it maeain nga senyalis ag mabug-at ro anang eawas nga magpanaw apang ginmoeay imaw it anang asawa rason nga napilitan eun lang imaw nga magsunod.
Pag-abot sa Aklan river hay ginhambaean pa sigon nana raya nga indi sanda magpadayun sa andang pagtabok bangud base madaeom ro tubi apang owa gid raya nagpamati.
Gintinguhaan pa sigon nana nga buytan ro alima it anang asawa apang napaseawan imaw nga maieuwas raya bangud pareho sandang indi kaantiguhan nga mag-eangoy.
Masuwerte man sigon imaw ag naieuwas imaw it sangka residente sa nasambitan nga lugar.
Sa makarun hay owa sa gihapon nasapwan ro biktima nga ginkilaea kay Arlindo.
