NATIONAL News — Ginapahaum eon ro 66,235 metric tons (MT) it asukar nga iga-export it Pilipinas sa Estados Unidos umpisa sa Abril it makaron nga dag-on.
Suno kay Sugar Regulatory Administration (SRA) Administrator Pablo Luis Azcona, ginapahaum eon it exporters ro daywang mga barko nga magadaea it asukar.
Ko nagtaliwan nga dag-on, madumduman nga sangkiri eang nga owa nakahingabot ro Pilipinas sa Septyembre 30 nga deadline. Natigayon nga nakaabot ro produkto ko Septyembre 27 apang may natabo eon nga discoloration ag quality deterioration rason nga may gindugang nga 10-percent penalty.
Makaron nga dag-on, pagahimuon ro shipment kadungan it milling season agud masigurado nga preska pa ro iga-export.
Pahayag ni Azcona, napahisayod eon it ahensya ro United States nga ihatud ro raw sugar antes ro Agosto.
Sa sitwasyon man sa pag-harvest ag paggaling it tubo sa Negros Island Region, ginpahayag ni Azcuna nga kaabuan sasugar producers sa south ro manugtapos eon man; samtang sa north mat-a hay may mga delay nga nagakatabo bangud sa pirme nga pag-uean.
Hasta sa Mayo ro tiempo it pag-harvest.
Nauna eon nga nag-promisa ro Department of Agriculture (DA) ag ro SRA sa sugarcane farmers nga owa it sugar importation order nga igapaguwa umpisa sa Mayo hasta sa Hunyo.
