-- ADVERTISEMENT --
Naga-abot eon sa 6,702 ro numero it mga immunocompromised individuals ro nataw-an it pangaywang booster shots kontra COVID-19.
Sa Laging Handa Public Briefing, ginpahayag ni National Vaccination Operations Center chief ag Health Undersecretary Dr. Myrna Cabotaje, ginatumod pa nanda ro numero kung pila sa mga non-immunocomprimised ro nagpaturok it second booster shots.
Sa makaron, kapin sa 67.8 milyon eon ro fully vaccinated sa Pilipinas.
Kung siin, naga-abot eon sa 146.7 milyon nga bakuna ro naiturok sa nasyon.
Aminado si Cabotaje nga naging mahina ukon sangkiri eamang ro nagpaturok it booster shots.
-- ADVERTISEMENT --
Ginatun-an eon man sigon makaron it NVOC ro pagtukod it vaccination site sa mga presinto para sa eleksyon sa Mayo 9.
