KALIBO, Aklan — Ginaboebanta nga kapin sa P100,000 pesos ro danyos nga inaywan matapos nga masunog ro sangka panimaeay sa Sitio Ilawod, Brgy. Dumga, Makato ku Abril 3.
Ro nasambitan nga panimaeay hay ginapanag-iyahan ni Anecita Tumaca, 79-anyos, residente it nasambitan nga lugar.
Suno kay FO1 Ariel Villareal it BFP Numancia, nalisdan sanda sa pagresponde sa sunog bangod sa maeayo sa karsada ro nasambitan nga baeay.
Bangod kara, gintinguhaan eon lang nanda nga patyon ro kaeayu pinaagi it bucket brigade sa bulig man it mga residente sa lugar.
Sa inisyal nga imbestigasyon it BFP-Numancia, naghalin ro kaeayo sa dapog it biktima kung siin naka eus-on ro anang tinung-on.
Gintinguha man sigon kara nga paeungon ro kaeayo matapos nga mataeupangdan apang madasig raya nga nagbahoe bangod himo eamang sa light materials ro anang kusina ag mabaskog pa ro hangin.
