KALIBO, Aklan—Nagpositibo sa Coronavirus Disease ukon COVID-19 ro sangka OFW nga maghalin sa Libertad, Antique nga nagpatigayun it family gathering sa bahin it Brgy. Linabuan Sur sa banwa it Banga.
Base sa ginpaguwa nga official statement it Municipal Health Office ukon MHO-Banga, nga nag-adto sa Linabuan Sur ro nasambitang OFW ko Hulyo 24 agud nga magtambong it family gathering.
May kaangtanan kara, ko nagtaliwan nga Hulyo 27 hay nag-adto imaw sa syudad it Iloilo agud nga magpa-swab test kung sa siin required raya it anang employers.
Samtang, ko nagtaliwan mat-a nga Hulyo 31 hay nagpa-Manila imaw sakay it eroplano agud nga magbalik sa United Arab of Emirates (UAE).
Sa kaparehong petsa ginkumpirma man kana it Antique Provincial Government nga imaw hay nagpositibo sa makataeapon nga sakit.
Sa makarun hay nagapadayun pa ro ginahimo nga contact tracing sa iba pang pamilya nga nagtambong sa nasambitang family gathering.
Gin-lockdown eon man it mga health official ro compound kung siin ginpatigayun ro pagtililipon.
