KALIBO, Aklan—Uwa eon it kabuhi ro sangka lolo kat masapwan sa anang misis sa sangka sapa maeapit sa andang panimaeay sa Brgy. Vivo, Tangalan.
Ginkilaea ro biktimang si Pablito Lopez, 73-anyos ag residente it nasambit nga lugar.
Base sa report, nagsaeampitan ro mag-asawa nga magpaligos sa nasambit nga sapa antes nga mag-adto sa health center agud nga magpacheck-up.
Angot kara, may nagpanawag nga tawo sa andang baeay rason nga nagbalik ro ginang ag ro anang mister hay nagdiretso sa sapa.
Pag-adto sigon it ginang sa anang mister hay dikara tumambad kana ro naga-eotaw nga eawas it lolo ag uwa eon it kabuhi.
Gintinguhaan pa nga marevivie ko mga miyembro it Tangalan Indigenous People apang uwa eon naeowas ro nasambit nga biktima.
Kumbinsido sigon ro pamilya nga uwa it foul play sa nasambit nga insidente.
