KALIBO, Aklan—Suportado it Aklan Integrated Transport Cooperative ro Public Utility Vehicle (PUV) modernization program sa idaeum it administrasyong Duterte.
Suno kay Mark Climaco, Founding Chairman it Aklan Integrated Transport Cooperative nga manami ro nasambitan nga programa ni Pangueong Rodrigo Duterte.
Apang may kakueangan eamang sigon ro gobyerno sa pagtao it seminar may kaangtan sa PUV modernization program.
Dapat man suno pa kana nga may tamang pagtao it impormasyon sa mga raya agud mas maintindihan ro ginapatigayon nga programa.
Samtang bangud man sa panibag-o nga pagsinoeundan hay indi eun sigon maka-renew it andang prangkisa ro mga driver/operator kung owa it kooperatiba.
Dugang pa kara nga bukas para sa tanan ro andang kooperatiba sa banwa it Ibajay para sa mga owa it kooperatiba ukon nalisdan sa andang organisasyon.
Agud nga maging miyembro dapat nga magpasa it application for membership, mag-atender it seminar, ag magbayad it membership fee.
