KALIBO, Aklan—Amat-amat eun nga nagbalik sa normal ro pagpangita it mga tricycle driver’s sa banwa it Kalibo kasunod it pagpaidaeum sa bilog nga probinsiya it Aklan sa General Community Quarantine ukon GCQ.
Suno kay Mr. Jhonny Damian, presidente it Federation of Kalibo Tricycle Operators and Drivers Association Inc. ukon FOKTODAI nga sa makarun hay may mga tricycle driver’s eun nga uman nga nagbalik sa andang pagbiyahe matapos nga magpundo it pagpamasada kat una sa idaeum it MECQ ro probinsiya ag limitado eamang ro hueag it mga pomoeuyo.
Samtang ginpahayag man ni Damian nga owa sa gihapon gin-aprubahan it Provincial Inter-agency Task Force ro andang hingyo nga madugangan ro numero it andang puwedi nga maisakay nga pasahero.
Nasayuran nga hasta makarun hay daywang pasahero eamang ro ginapasugtan nga ikarga it mga tricycle bangud sa ginapatuman nga social ukon physical distancing.
Samtang, gindugang pa kara nga nakataeana man sigon sandang makabatun it 3,000 pesos nga assistance sa idaeum it Assistance to Individuals in Crisis Situation (AICS) it Department of Social Welfare and Development ukon DSWD.
