Kalibo Aklan —– Ginpaidaeum eon sa inquest proceedings sa kasong attempted parricide sa Aklan Prosecutor’s Office ro sangka 69-anyos nga ama matapos nga eab-on ro anang kaugalingon nga unga bangud sa quarantine pass sa Barangay Jumarap, Banga.
Ro suspek nga si Benedicto Meneses Sr., 69 anyos, residente it nasambit nga lugar hay na-inquest kaina it agahon ag presenteng nakakulong sa Aklan Rehabilitation Center.
Samtang, matapos mabueong ro nina sa likod it biktimang si Babylon Meneses, 40 anyos, insigida raya nga nakaguwa sa Aklan Provincial Hospital.
Suno kay Police Staff Sergeant Danilo Dalida it Banga Police Station, nakaangkon it mainitang diskusyon ro mag-ama kat komprontahon it hilong nga suspek ro unga kon ham-an nga kana ginpangaean ro gin-isyu nga quarantine pass para sa andang pamilya.
Ginpamilit it biktima nga indi eon raya pwede kana bangud nga senior citizen eon imaw .
Bangud kara, naakig sigon ro anang ama ag gulpi imaw nga gin-eabu samtang nga nagakaon ag nagatan-aw it TV , kun sa siin hay tinamaan imaw sa anang tuo nga kilid .
Sa mayad nga swerte ag nakalikaw sigon imaw rason nga owa napuruhan.
Ginasugid nga ro suspek hay sangka ex-convict .
Kapin sa P72,000 pesos ro gintaeana nga piyansa it korte para sa anang temporaryong kahilwayan .
