KALIBO, Aklan—Malipayon nga ginbaton it mga masuwerte nga tagdaog it Swerte sa Palengke 2023 ro andang nadag-an nga premyo sa 6th weekly draw sa nasambit nga promo it Bombo Radyo ag Star FM, makaron nga adlaw it Lunes pinaagi sa sangka simpleng awarding ceremony sa broadcast center it Bombo Radyo Kalibo.
Nag-uli it cash prizes ro mga nagdaeaog nga studio winners nga sanday Mary Sereso it Brgy. Camaligan, Batan bilang first prize nga naggamit it proof of purchase nga knorr broth cubes nga nagbaton it P5,000.
2nd prize si Bonifacio Tarusan it Brgy. Tondog, Tangalan, naggamit it efficascent oil bilang proof of purchase nga nagbaton it P4,000 nga cash ag 3rd prize si Grace Rambunay it C. Quimpo St. Kalibo nga naggamit it proof of purchase nga silver swan nga nagbaton it P3,000 nga cash.
Samtang, ro mga consolation prize winners nga nagbaton it tig-1,000 pesos hay sanday Amelita Pelayo it Dalipdip, Altavas nga naggamit it proof of purchase nga silver swan; Jethel Inaudito it Tambuan, Malinao nga may proof of purchase nga knorr broth cubes ag Edwin Macavinta it Cabatanga, Makato nga may proof of purchase nga silver swan.
Sa mga promo participants, magpadayon eang sa pagpasakop bangud malay ninyo, kamo eon ro masunod nga magadaog sa Week 7 ro ulihing domingo it Swerte sa Palengke promo 2022 it Bombo Radyo ag Star FM.
Daeagkuan pa gid nga mga cash prizes ro nagahueat sa mga magadaog sa grand draw sa maabot nga Setyembre 16.
