Gina-euaman nga pitong bilateral agreements ro mapirmahan sa tunga it Pilipinas ag Japan sa pagbisita it Pangueong Ferdinand Marcos Jr. sa masunod nga dominggo suno sa Department of Foreign Affairs (DFA).
Suno kay DFA Assistant Secretary Nathaniel Imperial, kaibahan sa pagapirmahan nga kasugtanan hay ro humanitarian assistance on disaster relief ukon HADR cooperation.
Welcome man suno sa DFA official para sa nasyon ro nasambit nga kasugtanan sa tyempo nga raya hay mapirmahan bangud ro Japan hay sangka importanteng partner it Pilipinas sa pagtao it assistance kada may kalamidad.
Samtang, pagapangunahan man ni Foreign Affairs Secretary Enrique Manalo ro sangka exchange of notes sa $3 billion haega it infrastructure loan agreements para sa North-South Commuter Railway ag sa extension kara nga nakataeanang pirmahan it Department of Finance.
Pagapirmahan man sigon it DFA chief ro sangka agreement sa information and communications technology bilang representante ni DICT Secretary Ivan John Uy.
Eubusan eon man nga isapormal it Japan ag Pilipinas ro memorandum of cooperation sa agriculture nga nakikitang magapabaskog sa farm exports it nasyon ag makaboue it mas mayad nga access sa merkado it Japan.
Sa pihak nga parte, para man sa security agreement, posible sigon rayang istoryahan sa masunod nga mga panyempo apang paga-unahon anay sigon ro sa humanitarian assistance
