Sangka ayam it mag-asawa halin sa California ro Guinness World Record holder eon makaron matapos nga ro anang mahaba nga pilok hay may haba nga 7 inches.
Si Coco nga ginapanag-iyahan it mag-asawang Rachelle Parks ag Michael Babich hay nagaangkon it pilok nga tatlong beses nga mas mahaba kumpara sa ibang ordinaryong ayam base sa kumpirmasyon it sangka veterinarian.
Gintau ro pagkilaea sa ayam nga may breed it kombinasyon it Newfoundland ag poodle matapos nga makumpirma it Guinness ro anang 7-inch nga pilok nga mas mahaba kumpara sa 6.69-inch eyelash it sangka dating record holder nga Australian labradoodle nga si Ranmura nga nakabaton it award ko 2014.
Ginpahayag it mag-asawa nga pirme nanda nga gina-instraksyunan ro groomer ni Coco nga indi pag-utdan ro anang pilok.
