KALIBO, Aklan—Magapangatubang it nagakaigo nga kaso ro kapin sa 7 ka mga indibidwal matapos maaktuhan nga nagapatigayon it illegal nga pagsugae sa Brgy. Poblacion, Numancia.
Arestado sa ginpatigayon nga Illegal Gambling operation it mga katapo it Numancia PNP ro tag-iya mismo it panimaeay nga si Bartolome Ilin , kaibahan sanday Gordonio Estopani , Romeo Mayba ,Pablo Antonio, Ricky Belton, Francis Kim Rogar.
Samtang nakatakas man ro sambilog sa mga suspetsado nga si John Lee Valyente matapos nga makadaeagan it madasig kat makit-an ro mga otoridad.
Narekober sa lugar ro tatlong ka mga braha nga gingamit it mga suspek sa paghampang it pusoy dos.
Mag-euwas kara kapin man sa 1,895 ro kabilugan it kwarta nga narekober sa daywang ka mga lamesa nga gintumpok tumpukan it mga nasambitan nga persona samtang nagapatigayon it illegal nga hilimuon.
