Nagpatigayon it ocular inspection kahapon nga adlaw it Miyerkules sa National Museum si PNP OIC Chief,PLt.Gen. Vicente Danao para personal nga masayran ro plastado eon nga seguridad sa mismong venue it inauguration ni President-elect Ferdinand “Bong Bong” Marcos Jr.
Ginpahayag ni PNP OIC Chief, kapin sa 7,000 nga mga pulis ro andang igadeploy sa mismong venue para masiguro ro seguridad ni Pres-elect Marcos ag it mga guests nga magatambong sa aktibidad.
Kapin man sa 1,200 VIPs ro ginasaligan nga magatambong sa inauguration.
Hugot man nga igapatuman it PNP kapin sa mga magasueod sa National Museum ag makabig eon sigon nga all-systems go eon ro PNP bangud plastado eon ro tanan.
Sa makaron may pilang iga-finalized pa ro otoridad kapin ro mga igabutang nga barriers ag ro mga shade nga igabutang it DPWH.
Ginkumpirma man ni PNP OIC Chief nga may nabaton sandang impormasyon nga may mga lightning rallies ag mga kilos protesta sa nagakaeain-eain nga lugar ro maga-eontad.
Apang ginpasiguro man ni Danao nga haum ro PNP kapin sa mga magapatigayon it kilos protesta.
Panawagan man ni Danao sa mga rallyista nga irespeto ro nakataeana nga inagurasyon it Pangueo.
Sa pihak nga parte, ginadumdum man kara sa mga magatambong nga hugot nga ginabawaean ro pagdaea it bags ag ano man nga mga colored materials, pagasugtan eamang sigon ro mga transparent materials.
