Kalibo Aklan ——Pito ka mga indibidwal ro natigayon nga naaprehend it Kalibo PNP ag naiturn-over sa natungdan kara nga barangay officials agud nga imponeran it sanction bangud sa pag-eabag sa ginapatuman nga curfew sa banwa it Kalibo.
Ro nasambit nga mga indibidwal nga ginakaeakipan it an-om ka mga eaeaki ag sangka babaye hay nadakpan it pulisya sa nagapadayon nga oplan sita sandig sa ginapatuman nga curfew ordinance kamana man agud nga matapna ro pagkalhit it deadly virus nga COVID-19.
Sambilog kara hay una sa idaeom ko impluwensya it aeak kon sa siin kaibahan nga naaprehend ro anang nobya.
Sa pihak kara, padayon gihapon ro pagpadumdom it mga health authorities nga sundon ro ginapatuman nga minimum health protocols agud nga malikawan ro pagkalhit it pandemya.
Nasayuran nga nag-umpisa eon ro vaccination rollout sa probinsya it Aklan kon sa siin unang ginbakunahan ro mga medical healthcare workers.
