Namatay ro 7 katawo sa ikaywang insidente it mass shooting sa California matapos nga pagbarilon it sangka gunman ro dati karang mga katrabaho.
Partikular nga nag-eontad ro pagpamaril sa coastal city it Half Moon Bay, California, USA.
Raya hay daywang adlaw pa eamang makataliwan tag mag-eontad ro pagpamaril sa Monterey Park sa California ko Lunar New Year nga ginkamatay it 11 katawo kung siin sangka elderly Asian immigrant ro suspek nga insigida mang ginbaril ro kaugalingon.
Tanan nga biktima sa panibag-ong mass shooting incident hay Chinese-American farm workers.
Insigida mang naaresto ro suspek nga si Zhao Chunli, 67 anyos nga nagmaneho pa paagto sa local police station matapos ro krimen nga may buyot nga semi-automatic pistol nga posibleng gingamit it suspek sa pag-atake.
