Gin-akusahan it Ukraine ro Russian forces sa pagpatay sa pitong sibilyan sa sangka evacuation convoy nga ginabilog it mga kababayin-an ag mga unga nga gustong tumakas halin sa nagapadayun nga pag-atake it Russia.
Base sa report it Ukrainian intelligence service kaibahan sa mga namatay hay ro sangka unga.
Hasta sa makaron hay owa pa it komento ro Russia angot sa pagkamatay it pitong sibilyan.
Una kara, maidid nga ginpamalibaran it Moscow nga kaibahan sa andang target hay mga sibilyan.
Ginpahayag man ni Ukrainian President Volodymyr Zelenskyy nga uman nga nagpadaea it bag-ong tropa ro Moscow matapos nga madinaeag-on nga napunggan it Ukrainian forces ro 31 Russia’s battalion tactical groups nga naduea sa aksiyon.
Ginkumpirma man ni Zelenskyy nga naga-abot eon sa 1,300 Ukrainian troops ro namatay rason nga ginhinyu kara sa pilang mga Western countries nga magbulig sa peace negotiations.
