KALIBO, Aklan—Pitong turista eon man halin sa National Capital Region o NCR Plus ro naaresto sa isla it Boracay matapos madakpan nga magpresenta it pekeng COVID-19 test result.
Suno kay P/Lt. Col. Don Dicksie de Dios, hepe it Malay Municipal Police Station, nadakpan ro pito matapos sanda nga magsueod sa isla Biyernes it agahon ag nadiskubre it validation team nga peke ro mga gingamit nanda nga RT-PCR test result.
Ap-at sa mga turista hay halin sa Cavite, tig-sambilog sa Quezon City, Bulacan ag Sta. Mesa.
Matapos nga boe-on sa andang natundan nga mga gina istaran nga hotel, insigida nga gindaea ro pitong turista sa quarantine facility sa banwa it Kalibo ag igapaidaeunm sa RT-PCR test.
Sa oras sigon nga mag-negatibo ro mga raya sa COVID-19, pagapasugtan ro mga raya nga maka-uli.
Nakataeana sandang pagapasakaan it kaso sa Lunes sa pageabag sa RA 11332 o Mandatory Reporting of Notifiable Diseases and Health Events of Public Health Concern Act ag Falsification of Document’s.
Hunyo 1 kat uman nga buksan ro Boracay sa mga turistang halin sa NCR Plus.
Samtang, base sa record it Civil Aviation Authority of the Philippines (CAAP)-Aklan, pitong flights ro nag abot sa Caticlan Airport kahapon it Biyernes.
Sakay kara ro 718 nga mga turista paagto sa Boracay kaibahan ro 10 nga mga unga.
