Gin-istoryahan sa mga social media ag news headlines kan-o eamang ro may kaangtanan sa mag-asawang senior citizen nga gin-welcome ro andang unang baby.
Limang dekada eon nga kasae sanday Gopichand ag Chandravati apang pirme sanda nga napas-eawan nga makaangkon it unga.
Sa sueod it 54 anyos, indi eon mahuyap it mag-asawa kun ano kaabung doktor ro andang ginkonsulta agud nga magnabdos , apang pirme raya nga nauli sa kapas-eawan.
Ko 2020, nagkonsulta sanda sa sangka in vitro fertility clinic sa Alwar, India.
Matapos ro daywang failed attempt nga in vitro fertilization procedure, nagnabdos sa ikatlong attempt si Chandravati.
Bangud nga may edad eon si Chandravati, naging maselan ro anang pagnabdos.
Matapos ro siyam nga buean nga pag-nabdos, eowas nana nga gin unga ro andang baby boy.
Sanday Gopichand ag Chandravati ro makabig nga pinakamagueang nga first time parents sa India ag sanda ro ulihi bangud nga ginpatuman eon ko Hulyo 2022 sa andang nasyon ro laye nga ginabawae ro pagtau it IVF treatment sa mga may edad 50 pataas.
