KALIBO, Aklan—Naging malisod ag haeos daywang gabi-e nga owa it maayos nga tueog si Aklan LTO Chief Engr. Marlon Velez matapos mga supendehon kara ro lisensya it sangka 70 anyos nga tricycle driver nga nadakpan nga out of line sa andang ginpatigayon nga operasyon sa banwa it Banga.
Ginpahayag ni Engr. Velez nga naeooy imaw kay Mr. Melquiades bangud sa kahimtangan kara nga maskin magueang eun ag may ginabatyag pang highblood hay nahimo pa karang magbiyahe it anang tricycle.
Natukiban pa kara nga haeos nalisdan eun rayang magtikang kung sa siin raya hay delikado eun para kana ag maging sa anang mga pasahero kung padayun pang magbiyahe.
Ginakabig pa kara nga sangka malisod nga desisyon ro anang ginhimo ag raya man ro unang kahigayunan nga gin-ubra nana ro pagpasaka it penalidad nga pagsuspende it lisensya apang raya eamang sigon ro nagakadapat agud malikawan ro aksidente sa daeanon.
Samtang, ginpahayag man it LTO Chief nga anang pagabuligan ro eaeaking unga ni Mr. Melquiades agud nga makabooe it libreng lisensya para imaw eun lang ro magbiyahe it andang tricycle.
Nasayuran nga masobra 40 anyos eun nga nagapamasada it anang tricycle si Tatay Melquiades.
