POLICE Report — Patay ro sangka 71-anyos nga lolo matapos wasayon it hilong nga kaugalingon nga gumankon sa Davao Del Sur, gabi-i it Enero 28, 2025.
Nakilaea ro biktima nga si Sifronio Gumeni Tabanao, biyudo ag residente it Barangay Sto. Niño, Kiblawan, Davao del Sur.
Base sa inisyal nga imbestigasyon, nagapahuway-huway ro biktima sa duyan sa guwa it sangka baraka bandang alas-7:00 it gabi-i kat paeapitan ag gulping ginwasay it suspek nga si alyas Ale, 52 anyos ag residente it Purok 6, Barangay Sto. Niño.
Nasayuran nga gumankon it biktima ro suspek nga may kasaysayan it pagiging bayolente kon mahilong.
Gindaea sa Gregorio Matas District Hospital sakay it Kiblawan Rescue Vehicle ro biktima nga nag-angkon it grabeng nina sa ueo apang gindeklarang dead on arrival.
Presenteng nakakulong ro suspek sa Kiblawan Police Station samtang ginapahaum it mga awtoridad ro nagakaigo nga kaso.
