KALIBO, Aklan — Kabilugan nga 71 nga grupo ag tribu ro magapasakop sa “Pag-umpisa” ukon opening salvo it Kalibo Sto. Nino Ati-Atihan Festival 2020 sa maabot nga Nobyembre 2 hasta 3, 2019 kadungan it Kalibo Foundation Day.
Suno kay Apol Zaraspe, chairman it Kalibo Sr. Sto. Niño Ati-Atihan Management Council ukon Kassamaco nga sa Nobyembre 2 hay paga-umpisahan ro kasadyahan sa Magsaysay Park pinaagi sa gin-imbitahan nga mga lokal nga banda ag ro sikat nga Chocolate Factory.
Ro kaadlawan sigon it opening salvo sa Nobyembre 3 hay paga-umpisahan it sangka santos nga misa sa St. John the Baptist Cathedral, kun sa siin, sa kauna-unahan nga kahigayunan hay paga-bendisyunan kara ro mga buling nga igadam-os sa mga magatambong nga deboto kamana man ro mga instrumento it mga tribu ag grupo nga magasadsad sa bilog nga banwa it Kalibo.
Ro “pag-umpisa” hay sneak peak it Ati-Atihan Festival 2020 ukon ro mga ginaeauman nga masaksihan sa selebrasyon it ginakabig nga “Mother of all Philippine Festival”.
