Gin-aresto it mga pulis sa Germany ro sangka 72-anyos nga lola matapos kara nga patyon it daywang beses ro oxygen supply it kapareho nana nga pasyente sa ospital.
Gin obra raya it suspek bangud nga indi imaw makatueog sa kasangag it oxygen machine supply!
Sa joint press release it public prosecutor’s office ag police headquarters sa Mannheim, southwestern Germany, gin-aresto ag gindetine nanda ro owa ginpangaeanan nga suspek sa kasong attempted murder.
Suno sa hospital staff, alas 8:00 it gabi-i, nasayuran nanda nga may nagpatay it oxygen supply it sangka 79-anyos nga pasyente.
Nasayuran nanda nga ro anang roommate ro nagpatay ag ginhambaean nanda raya apang matapos ro sang oras hay ginpatay kara it uman ro oxygen rason nga naisipan eon nanda nga magtawag it pulis.
Owa it grabeng natabu sa 79-anyos nga biktima apang nagkinahangean raya it resuscitation.
Matapos ro pag-aresto, ginpangutana it pulis ro suspek kun ham-an nana raya gin-obra , ginhambae kara nga indi imaw makatueog sa sangag nga nagahalin sa oxygen supply.
Sa makaron, una sa sangka correctional facility ro suspek samtang ro biktima man hay maayos eon ro kahimtangan.
