Naipasa it US Senate ro $750 billion health care, tax and climate bill.
Raya hay sangka kadaeag-an para kay US President Joe Biden ag sa anang partido.
Ro final party-line vote hay sa 51-50 ag si Vice President Kamala Harris ro nagbueag sa tie.
Ro nasambit nga package gay produkto it maid-id nga negosasyon ag ulihing pagpasa kara hay magatao sa mga Democrats it kahigayunan nga maangkon ro mga nagapanguna nga katuyuan it polisiya antes ro paea-abuton nga midterm elections.
Dapat aprubahan it Democrat-controlled House sa Biyernes, Agosto 12 ro hagna antes raya hay mapirmahan ni Biden bilang eubusan nga maging laye.
Ro maeapnagon nga hagna nga gintawag nga Inflation Reduction Act — hay nagarepresenta sa pinakamabahoe nga pagkapital sa klima sa kasaysayan it US ag magahimu it pinamabahoe nga pagbag-o sa mga laye sa ikamayad nga eawas pamaagi sa pagtao sa Medicare it otoridad sa unang kahigayunan nga makig-istorya sa mga presyo it pilang partikular nga ginaresetang bueong ag pagpaeawig it expiry it health care subsidies sa sueod it tatlong dag-on.
Samtang, raya hay magataas it masobra sa kapin $700 bilyon sa kita it gobyerno sa sueod it 10 dag-on ag magagastos it kapin sa $430 bilyon para mabuhinan ro mga carbon emissions ag paeawigon ro mga subsidy para sa health insurance sa idaeom it Affordable Care Act ag gamiton ro nabilin nga parte it bag-ong kita para mabuhinan ro deficit.
