Mas pa nga nagdasig ro lebel it pagtaas it presyo it mga nagapangunang baeak-eon ag serbisyo sa nasyon ko Enero 2023.
Sa datos nga ginpaguwa it Philippine Statistics Authority (PSA), nagsaka sa 8.7% ro headline inflation rate sa nasyon ko nagtaliwan nga buean.
Mas mataas raya sa 8.1% nga nailista ko December 2022 ag sa 3.0% ko Enero 2022.
Suno kay PSA Chief ag National Statistician Claire Dennis Mapa, nagapangunang rason it mataas nga inflation rate ko nagtaliwan nga buean hay ro madasig nga pagtaas it presyo it housing, water, electricity, gas and other fuels; food and non-alcoholic beverages eabi eon ro sibuyas nga nag-abot ro inflation rate sa 132.2%; pangatlo ro restaurants and accommodation services kaibahan man ro mga karinderya.
Nagsaka man sa 8.6% ro inflation rate sa National Capital Region (NCR) nga mas mataas sa 7.6% nga nailista ko December 2022.
Samtang sa guwa it Metro Manila, pinakamataas ro inflation rate sa Region 3 ukon Central Luzon nga una sa 9.8%.
Samtang, ro inflation rate ko Enero hay ro pinakamadasig nga nailista umpisa November 2008 nga may 9.1%.
Eampas raya sa 7.5% hasta 8.3% nga forecast range it Bangko Sentral ng Pilipinas (BSP).
