Kapin sa 8.8 porsiyento it mga kababayin-an sa Western Visayas ro uwa it bastanteng access sa mga kinahang-eanong family planning method ko 2025, mas mataas kaysa sa 7.6 porsiyentong national average.
Suno sa Commission on Population and Development (CPD), nagnaba ro regional rate halin sa 9.5 porsiyento ko 2022 sa pihak it padayon nga agwat sa access sa family planning services, tamang impormasyon ag serbisyong pang-ikamayad nga eawas.
Gin-engganyo it CPD-6 ro mga indibidwal ag mag-asawa nga kumonsulta sa mga health professional agud makabuoe it tamang impormasyon ag mapili ro tama nga family planning method base sa andang kahimtangan ag plano sa pamilya.
Suno kay CPD-6 Director Harold Alfred Marshall, importante ro bastanteng kasayuran, access sa serbisyong pang-ikamayad nga eawas ag tingob nga pagdesisyon it mag-asawa agud makabulig sa pagkriar it mas malusog ag maayos nga paaeabuton it pamilya.
