KALIBO, Aklan – Eubusan eon nga gin hatud sa ulihing pahuwayan ro 8-anyos nga si Chrisha Nobleza nga matapos nga gin himuslan hay brutal nga gin patay ag gin hana pang sunugon ro bangkay kara sa sangka mataeun nga parte it Sitio Aglanka, Brgy. Guadalupe, Libacao, Aklan.
Padayun sa gihapon nga naga paninggitan it hustisya ro anang mga ginikanan, paryenti, amigo ag mga kasimanwa nga nakipatlud.
Bumaha ro euha it pamilya ag mga amigo, amiga sa ulihing misa bago ro eubong.
Madumduman nga ap-at nga adlaw nga naduea ro unga bago nasapwan ro naga kaagnas nga bangkay eon nga matapos himuslan hay pinugutan ag gin chop-chip pa ro waeang butkon ag pagkatapos hay gin hanang sunugon agud maitago konta ro krimen.
Nasapwan ro pugot nga ueo kara ag butkon, pilang metros eamang ro distansiya nga hubeas eon ro unga kamana man nga may pilang pugtak it dugo, eambong ag underwear it biktima.
Samtang, naga abot eon sa P80,000 ro padya sa sin-o man nga makatao it impormasyon hanungod sa suspek sa krimen.
