Nadiskubre it sangka tindero it isda sa sangka baraka sa China ro kakaibang pusit nga bukon it ordinaryo ro bukoe sa tiyan.
Kat ginhiwa nana raya hay naputos imaw it kahadlok kaibahan ro mga bumaeakae bangud nga sangka 8 inches nga bomba gali ro sueod kara.
Base sa report, ro pusit hay nadakpan sigon sa kaeawran nga sakop it Guangdong province ag pagkatapos hay gindaea ag ginbaligya sa tindahan it Jiaoling kun sa siin si Mr. Huang sangka fish vendor ro nakapakyaw it mga raya.
Indi makapati si Mr. Huang sa nakita nana nga bomba, ag nangawa imaw kon ham-an nga gulping nakaangkon it bomba sa sueod it tiyan it sangka posit.
Ro andang teorya nakaon it pusit ro bomba nga posibleng nahueog it sangka military plane.
Samtang, ro nasambit nga bomba hay insigidang gin respondehan it sangka bomb disposal expert ag ginpasabog raya sa sangka lugar nga owa it maapektuhan ag maninahan .
