Kaibo Aklan ——–Kapin sa waeo ka mga indibidwal ro ginturn-over it Kalibo PNP sa mga natungdan nga Barangay Officials agud nga papanaugan it sanction ukon multa bangud sa pag-eabag it mga raya sa ginapatuman nga curfew sa banwa it Kalibo.
Ro nasambit nga indibidwal hay nadakpan it pulisya sa nagapadayon nga oplan sita sandig sa ginapatuman nga curfew ordinance kamana man agud nga matapna ro pagkalhit it deadly virus nga COVID -19.
Nasayuran nga ro curfew hay naga-umpisa it alas-9:00 it gabie hasta it alas-5:00 it aga-aga.
Samtang, nagapabilin sa Surgical Enhanced Community Quarantine ro Purok 1 C. Laserna St. Kalibo matapos nga lomobo pa ro nailistang kaso it COVID-19 base sa ginpatigayon nga mass testing it Aklan Provincial Health Office.
Sa pihak kara, padayon man ro pagdumdom it mga health authorities nga sundon ro ginapatuman nga minimum health protocols agud nga malikawan ro pagkalhit it pandemya.
