KALIBO, Aklan—Nagahueat eon lang it biyahe pauli it Pilipinas ro waeong ka mga Overseas Filipino Workers (OFWs) nga naigpit sa kinagamo sa Afghanistan kasunod it pagbagsak it andang gobyerno matapos ro pagsakop it Taliban militants.
Suno kay Bombo International Correspondent Gerry Presto Biasura, sangka OFW nga nagtrabaho sa Kabul nga una eon sa maayos ro andang kahimtangan matapos sandang makabakwit paadto it Poland.
Aminado man raya nga nakabatyag sanda it trauma ag pagkabaeaka matapos ro ginhimo nga pagsakop it Taliban ag mapasa-alima ro pagdumaea sa Afghanistan.
Owa sigon nanda ginaeauman ro madasig nga pagtake-over it mga militanteng grupo.
Dugang pa ni Biasura nga nagpatigayun it contingency plan ro andang kompaniya para sa andang pagbakwit pagguwa it nasambit nga nasyon.
Samtang, nagpanawagan man raya sa gobyerno it Pilipinas nga mabuligan ro kaparehong OFW nga nawad-an it trabaho ag naapektuhan ro paeangitan-an matapos ro nagtuhaw nga kinagamo sa Afghanistan.
