POLICE Report — Naninahan ro pitong katawo matapos araduhon it pampasaherong jeep ro waeong saeakyan sa Caloocan City.
Madasig nga gindaea it mga tawuhan it barangay sa lugar ro mga biktima sa ospital kaibahan ro sangka 17-anyos nga binatilyo nga nagatindog eamang sa lugar kat hapiton ag pumaidaeum sa jeep.
Base sa report, natabu ro insidente pasado alas-9 it gabi-i samtang nagabiyahe ro pampasaherong jeep sa kahabaon it Samson Road halin sa Monumento paagto sa area it Malabon City.
Pag-abot sa Brgy. 73, dikara eon naduea-an it preno ro jeep ag bumunggo sa sangka nagabisikleta, daywang pampasaherong jeep, daywang motorsiklo, sangka kotse ag daywang pedicab, hasta nga mahapit pa gid kara ro binatilyong pedestrian ag ro siomai cart sa kilid it karsada.
Haum man nga sabton it operator it pampasaherong jeep ro gastos sa pagpabueong sa mga biktima, pati eon ro pagpa-obra sa mga nasamad nga saeakyan samtang nagapangatubang man sa kasong reckless imprudence resulting in multiple physical injuries ag multiple damage to properties ro driver it jeep sa Caloocan City Prosecutor’s Office.
