POLICE Report — Nabo-oe ro masobra sa P280,000 sa Credit Card it sangka senior citizen matapos ma-scam it nagpakilaea nga representative it sangka banko.
Ginkilaea ro biktima kay alyas “Roming”, 80-anyos nga residente it Barangay Baybay, Roxas City.
Sa impormasyon nga nabo-oe it Bombo Radyo sa Roxas City Police Station, may nagtawag sa nasambit nga senior citizen ag nagpakilaea nga representative it sangka banko ag ginpahayag nga pagapataasan kara ro credit limit it Credit Card it biktima sa P700,000 halin sa P500,000.
Ginpabutyag pa it nagpakilaeang bank representative nga may una nga P3,500 voucher nga igatau ro banko apang kinahangean nga i-send anay it senior citizen ro anang OTP (one-time password).
Ginpromisahan it suspek ro magueang nga iga-deliver ro bag-o kara nga Credit Card nga may credit limit nga P700,000 ko Enero 22 apang owa raya nag-abot.
Bangud kara, gin-report sa owa ginpangaeanan nga banko ro natabo, ag dikara nakumpirma nga na-scam ro senior citizen it P235,170 nga gingamit it scammer sa pag-purchased sa PYM Ansons Appliance sa Taguig City gamit ro OTP ag P48,444 nga gingamit naman sa pag-purchased sa online store gamit ro sambillog pang OTP kara.
Sa makaron, nagapadayon ro imbestigasyon it mga otoridad angot sa nasambit nga insidente.
