KALIBO, Aklan — Naga-abot sa waeo sa 17 banwa sa bilog nga probinsiya it Aklan ag haeos 80 porsiyento it 327 nga barangay ro nalimpyuhan eon it Philippine National Police sa drug users kamana man sa illegal drug trade.
Suno kay P/Maj. Bernard Ufano, hepe it Provincial Intelligence Branch (PIB)-Aklan bunga raya it dere-deretso nga kampanya agud nga tuldukan ro problema sa droga sa probinsiya.
Nakasabat sigon ro mga raya sa guidelines nga gintaeana it Philippine Drug Enforcement Agency.
Nagapasaeamat si Ufano sa bulig ag suporta it mga local government units (LGUs), Rural Health Units, Department of Interior and Local Government (DILG)-Aklan ag natungdan nga mga Barangay Drug Abuse Councils.
Samtang, sa baylu nga shabu, kaeabanan nga marijuana makaron ro ginabaligya it mga identified nga drug personality.
Bangud kara, nagapati ro mga otoridad nga may plantasyon it marijuana sa Aklan nga andang ginatutukan sa makaron.
