Health News ——–Nasayuran it mga researcher it Department of Science and Technology – Philippine Nuclear Research Institute (DOST-PNRI) nga bukon it puro ro 80% nga mga ginabaligyang produkto nga honey sa merkado it nasyon.
Suno kay Dr. Angel Bautista VII it DOST-PNRI, nagguwa sa ginpatigayon nandang pagtuon nga may syrup halin sa sugar cane ukon tuba, ag mais, ro kaeabanan sa mga ginabaligyang honey sa merkado.
Paathag it eksperto, 75% ukon 12 halin sa 16 nga local honey brands sa mga grocery ag souvenir shops ro bukon it himo sa honey.
Makabig nga impure ukon bukon it purong honey ro 87% ukon 64 halin sa 74 local brands nga ginabaligya online.
Bangud kara, si Dr. Bautista sa peligro nga kaakibat it nagatangkilik sa mga produktong bukon it himo sa purong honey.
Suno sa Philippine National Standard for Honey it Bureau of Agriculture and Fisheries Standards, uwa dapat it nakahalo nga ano mang food additives ro mga ginabaligyang honey sa merkado.
Kon may una man, responsibilidad it manufacturers nga ibutang raya sa labelling, kaibahan ro lugar nga ginhalinan it honey.
