Atrasado ro biyahe it kapin sa 815 overseas Filipino worker (OFW) nga magaadto kungta sa Kuwait.
Raya hay matapos nga magpatuman ro Kuwaiti government it entry ban para sa mga ba-ong OFW nga magasueod ag trabaho sa andang nasyon.
Suno kay Bombo International Correspondent Dennis Rata it Kuwait nga ro nasambit nga numero hay ginakaeakipan it 515 nga domestic worker samtang ro iba pa hay magatrabaho sa mga service industry kapareho it waiter, vendor, sales associate, ag mga nurse.
Ginpasiguro man sigon it Department of Migrant Workers ukon DMW nga pagatugyanan it ayudang pinansyal ag temporaryong trabaho ro mga apektadong empleyado samtang nagapadayon pa ro paghinun-anon it Pilipinas ag Kuwait angot sa isyu sa mga OFW.
Ginpahayag dugang ni RAta nga nakataeana nga paga-istoryahon it gobyerno it Pilipinas ro mga recruitment agency nga may unang job order sa Kuwait para maistoryahan kun paano mabuligan ro mga apektadong empleyado nga makausoy it trabaho sa ibang nasyon ukon local employment eon lang.
Angot kara, ginkasa on man it DMW ro P30,000 financial aid package para sa mga OFW nga naggastos it kaugalingon nga kwarta sa pag-apply it trabaho sa Kuwait ag kumpleto eon sa requirements bilang OFW kapareho it Overseas Employment Certificate
