KALIBO, Aklan — Nabaton eon it kapin sa 840 nga mga mangunguma ag mangingisda nga naapektuhan it El Niño phenomenon sa banwa it Makato ro andang financial assistance sa idaeum it Presidential Assistance to Farmers, Fisherfolk, and Their Families agahon it Huwebes sa ABL Sports and Cultural complex sa Capitol Site Kalibo.
Suno kay Engr. Alexys Apolonio, head it Office of the Provincial Agriculture nga ginpatigayon ro distribution it P10,000 sa kada beneficiaries matapos nga maresolba ro ginkwestiyon nga master lists it mga nakabaton it ayuda.
Ginkumpirma man kara nga owa sanda it ginbag-o sa naunang listahan matapos nga mapamatud-an it Department of Agriculture nga apektado ro mga raya it nag-agi nga grabeng tag-init ag matuod-tuod sanda nga mga mangunguma ag mangingisda.
Ro pay-out hay ginpangunahan it Department of Social Welfare and Development (DSWD)-Aklan.
Sa pihak nga parte, gintaw-an sigon nanda it sang domingo pa nga palugit ro iba mga beneficiaries sa nagkaeain-eain nga mga banwa nga owa naka-claim it ayuda .
Tuyo kara nga malimpyuhan ro andang listahan ag maitau sa iba ro slot agud nga indi mauyang ro allocation nga gintau sa probinsiya.
Nakasumite sigon sanda it masobra sa 8,000 nga listahan, apang kapin sa 5,000 eamang ro nataw-an it pondo.
Ginaeauman nga magamit ro nasambit nga kwarta sa uman nga pag-bangon it mga mangunguma ag mangingisda nga ro pananum ag katangkehan hay naapektuhan it nagtaliwan nga tag-init.
