Umabot eon sa 85 ro numero it mga kumpirmadong namatay sa Yemen samtang masobra sa 300 ro kumpirmadong ninahan.
Raya hay maghalin sa 78 katawong inisyal nga napareport nga namatay kahapon it agahon, pilang minuto eamang matapos matabo ro stampede sa tunga it pagpanupod it kwarta sa mga kubos nga residente sa kapital it Yemen.
Mag-eowas sa 85 nga namatay, umabot man sa 322 ro ginasugid nga ninahan kun siin indi magnaba sa 50 ro una sa seryosong kahimtangan.
Nauna eon nga ginkumpirma it Interior Ministry it Yemen nga nag-umpisa ro stampede matapos sigon nga mag-paeupok it baril ro pilang mga Houthi rebel nga nagtambong sa event.
Sa proseso hay tinamaan ro sangka electrical wire nga gintunaan it pag-eupok kara.
Ginkahadlokan it mga tawo ro natabo rason nga para sanda hay mag-ueunahan nga makapanaw sa nasambit nga charity event nga nagtuga it stampede
Bangud kara hay nadaeasa ro mga inonga ag kababayin-an, nga ikinamatay it kaabuan .
