-- ADVERTISEMENT --
Kalibo Aklan ———-Nagaabot eon sigon sa kueang-kueang 900 ka pribadong eskwelahan ro inde makapadayon it operasyon sa bilog nga Pilipinas bangud sa nagkaeain-eain nga rason sa tunga it coronavirus crisis.
Suno kay Department of Education (DepEd) Usec. Jesus Mateo, base sa nabaton nandang mga report sa mga field office, nagaabot sa 865 ka mga private schools ro nagsarado makaron nga school year.
Kon madumduman, grabe ro epekto it mga lockdown ag quarantine kontra COVID-19 sa pinansiyal nga kapasidad it mga ginikanan matapos nga mawad-an it trabaho ag nagsarado ro mga negosyong ginaboe-an it andang pangabuhian.
Bangud kara, bumagsak ro ekonomiya it Pilipinas sa sangka “technical recession”, nga ginasugid nga pinakamalala halin pa ko 1981.
