Sangka 88-anyos nga windsurfer sa Poland ro nagahinyu sa Guinness World Records nga makilea bilang pinakamagueang nga tawo nga nagpatigayon it anang paboritong sport.
Suno kay Piotr Dudek, 88 anyos it Gdynia nga nag umpisa imaw nga magsurfing ko 1981, kun sa siin nadaea imaw sa pag engganyo it anang amigo nga sumabak sa Guinness World Record para sa oldest windsurfer matapos nga matukiban nga ro dating record hay ginabuytan it 86-anyos nga si Charles Johannes Ruijter ko 2000.
Si Dudek nga mas kilaea sa tawag nga “Junior” it anang kaparehong windsurfers hay nag research sa record ag natukiban nga agud nga mabo-oe ro record hay required nga mag windsurf it at least one occasion para sa tatlong sunod-sunod nga buean nga natigayon nana nga makompleto makaron nga domingo.
Gintaw-an si Dudek it mayor it Gdynia it trophy ag bag nga puno it locally produced prizes agud nga iselebrar ro anang accomplishment.
Suno kay Dudek nga ro ebidensiya halin sa anang official attempt hay natigayon eon nga maipasa sa Guinness World Records para sa official certification.
