KALIBO, Aklan—Sumaka pa sa 5,322 ro kabilugan nga numero it mga tinamaan it Coronavirus Disease 2019 ukon COVID-19 sa probinsya it Aklan umpisa nga magtuhaw ro pandemya.
Base sa pinakaulihing datus nga ginpagguwa it Provincial Health Office, 89 ro bag-ong nailista nga nagpositibo sa deadly virus makaron nga adlaw it dominggo.
Sa nasambit nga numero, 30 nga kaso ro maghalin sa banwa it Kalibo, 13 sa Lezo, 12 sa New Washington, napueo sa Malay, waeo sa Madalag, an-om sa Numancia, tig tatlong kaso sa Balete ag Makato samtang tig sambilog mat-a sa Altavas, Buruanga, Ibajay ag Nabas.
Sa pihak kara, 58 man ro bag-ong nailistang nagmayad rason nga humampak eon sa 4,311 ro total recoveries matapos ro pagbueong ag quarantine procedure.
Samtang, uman nga nadugangan it sambilog ro numero it mga namatay rason nga nag-abot eon sa 115 ro death toll it probinsya pag-abot sa pandemya.
Sa makaron, 896 pa ro nabilin nga aktibong kaso it dealy virus kun siin 744 ro naka-facility quarantine, 78 ro naka-home quarantine ag 74 ro admitted sa COVID ward it Aklan Provincial Hospital.
