Nakabaton it cash assistance ro kabilugang 898 mangingisda halin sa ap’at nga banwa sa Aklan sa idaeom it Presidential Assistance for Farmers and Fisherfolk Program (PAFFP), bilang parte it suporta it gobyerno sa sektor it pangisdaan.
Ginpangunahan it Department of Agriculture–Bureau of Fisheries and Aquatic Resources Region 6 (DA-BFAR 6) ro pag-panao it ayuda halin Mayo 26 hasta 29, 2026.
Pinaka-maabo ro benepisyaryo sa banwa it Batan nga may 418 mangingisda, ginsundan it Numancia nga may 180, Altavas nga may 178, ag Tangalan nga may 122.
Tuyo it programa nga mag-tao it insigidang bulig pinansyal sa mga maisot nga mangingisda nga nagapangatubang sa pagtaas it gaeastuson ag iba pang hangkat nga pangpangabuhian.
Ginpatigayon ro distribusyon sa pagpanguna it BFAR Provincial Fisheries Office sa Aklan kaibahan ro Office of the Provincial Agriculturist ag mga lokal nga gobyerno.
Samtang, nakataeana man nga makabaton it ayuda ro dugang nga 1,930 mangingisda halin sa mga banwa it Buruanga, Ibajay, Makato, Malay, New Washington, Nabas, ag Kalibo halin Hunyo hasta unang dominggo it Hulyo
Kun matapos ro pagpanao, ginaeaumang maga-abot sa kabilugan nga 2,828 mangingisda sa Aklan ro makapanipueos sa programa.
